CARREG Y BARCUD

Meistr Tir

Yr Ymddiriedolaeth Genedlaethol a pherchnogion preifat.

Cyfleusterau

• Nid oes unrhyw gyfleusterau ar y safle hwn ac mae’r maes parcio agosaf yng Nghaerbwdi; mae’r ffôn cyhoeddus agosaf ar y ffordd i Dyddewi.
• Nid oes unrhyw faes parcio cydnabyddedig yng Ngharreg Y Barcud a dylai ymwelwyr wneud pob ymdrech i osgoi creu aflonyddwch i’r trigolion lleol drwy gadw mannau goddiweddyd, mynedfeydd a llwybrau mynediad yn glir.
• Cynghorir ymwelwyr i barcio ym maes parcio’r Ymddiriedolaeth Genedlaethol yng Nghaerbwdi.

Disgrifiad

Ceir mynediad i Garreg y Barcud fel arfer ar hyd y llwybr cyhoeddus yn Nhrelerw neu ar hyd Llwybr yr Arfordir o’r maes parcio yng Nghaerbwdi. Mae Trelerw yn fferm weithredol; mae ffordd y pentrefan yn breifat a rhaid ei chadw’n glir ar gyfer peiriannau amaethyddol. Mae’r safle yn gorwedd oddi mewn i Benrhyn Tyddewi neu Bentir y Sant (St. David’s Peninsula) sy’n Safle o Ddiddordeb Gwyddonol Arbennig, a gafodd ei dynodi felly oherwydd bod yno ddeunydd o ddiddordeb daearegol a biolegol. Mae hefyd yn gorwedd oddi mewn i’r Ardal Gadwraeth Arbennig arfaethedig.
Mae Arfordir Penmaendewi o bwys cenedlaethol oherwydd ei lystyfiant morol, ac yn arbennig rhostir y forgraig, glaswelltir y forgraig a chymunedau mewn agennau/ar ysgafellau.
Mae Henebion rhestredig i’w gweld ym Mae Caerbwdi ynghyd â safle’r gaer i’r gorllewin.
Mae merlod Yr Ymddiriedolaeth Genedlaethol yn pori ar y safle.

Gweithgareddau

Dringo. Mae Carreg y Barcud yn cynnig cyfleoedd da i ddringo llechfaen a gellir cyrraedd pob llwybr bron heb fod angen abseilio. Dros y blynyddoedd, mae’r priddoedd mân ar ben y graig sy’n cynnal y glaswelltir blodeuog hardd wedi erydu oherwydd iddynt gael eu sathru. Wrth ddringo neu orffwys os gwelwch yn dda, ceisiwch gadw at arwyneb y graig galed yn hytrach na’r tywyrch sydd heb eu niweidio.

Manylion Pwysig

Mae is-ddeddfau’r Ymddiriedolaeth Genedlaethol yn gymwys ar eu tir hwy a dylid cydymffurfio â’r rhain ar bob adeg.
Rhaid i ymwelwyr sy’n defnyddio parth y llanw fod yn ymwybodol o’i symudiadau ar y diwrnod hwnnw.
Dylai dringwyr ddefnyddio llwybrau sefydledig er mwyn cael mynediad i lwybrau.
Dylid osgoi ‘garddio’r llwybrau.
Ni ddylid parcio ceir ar y ffordd sy’n arwain at Drelerw; dylai ymwelwyr barcio yn y maes parcio yng Nghaerbwdi.
Mae’r clogwyni yn cael eu cynnwys yn Nheithlyfr Penfro gan Gyngor Mynydda Prydain.

Rhifau Cyswllt Defnyddiol

• Yr Ymddiriedolaeth Genedlaethol – 01348 837860
• Parc Cenedlaethol Arfordir Sir Benfro – 01437 764636
• Gwylwyr y Glannau, Aberdaugleddau – 01646 690909
• Cyngor Cefn Gwlad Cymru - 01437 766646

TELEFFON ARGYFWNG YM MAES PARCIO’R TRAETH