Dringo

Mae Sir Benfro yn cynnig cyfleoedd dringo rhagorol ac amrywiol i bawb. O ddringo clogwyni i ddechreuwyr i ddringo technegol, gradd E7, mae’r dewis yn enfawr. Yng Ngogledd Sir Benfro, gellir dringo clogwyni môr ar lechfeini neu waliau byr. Yn y De, nodweddir y prif fath o ddringo gan ymestyniadau o galchfaen safonol. Mae’r llwybrau naill ai’n lleiniau sengl neu ddwbl ac mae digon ohonynt. Gallwch ddod o hyd i rai llechfeini haws ond mae’r llwybrau gan mwyaf yn rhai gradd E gan gynnwys rhai E7 sy’n anodd dros ben, e.e. yn Llam yr Heliwr (Huntsman's Leap). Llwybrau llanw yw’r mwyafrif ar draws y sir ac fel arfer gellir cyrraedd atynt drwy abseilio. Yn y de, yn ardal cadwyn Castellmartin, mae cyfyngiadau dringo ar waith. Cyfyngir ar fynediad ar adegau er bod mwy o lwybrau yn cael eu hagor. Cyn dringo’r cadwyni, rhaid i chi’n gyntaf fynychu sesiwn gyfarwyddo ar ddiogelwch gan y Weinyddiaeth Amddiffyn/Parc Cenedlaethol. Mae nifer o’r llwybrau wedi’u cynnwys yn y gwahanol lyfrau tywys sy’n rhoi mwy o fanylion am y drefn raddio. Cynigir sesiynau ar gyfer dechreuwyr a phersonau brwdfrydig hefyd gan nifer o’r trefnwyr a gallant rhoi cyngor gwerthfawr.

Dylech ystyried y canlynol pan fyddwch yn dringo yn Sir Benfro:

ADOLYGWCH eich man cyfarfod a’ch llwybr cyn dringo; dylech osgoi unrhyw fywyd gwyllt lle bynnag y bydd hynny’n bosibl. Mae sawl rhywogaeth o fywyd gwyllt yn byw yn, ar neu o amgylch nifer o’r llwybrau dringo poblogaidd, yn arbennig yn ystod y tymhorau nythu a magu. Dylech osgoi tarfu neu aflonyddu arnynt yn ddiangen; gallech fod yn cyflawni trosedd griminal!

GOFYNNWCH am unrhyw godau ymddygiad lleol, is-ddeddfau ac amodau yn ogystal ag arferion da cyffredinol a chanllawiau diogelwch a dilynwch nhw. Wedi’r cyfan, mae rheswm da dros eu bodolaeth.

CANIATÂD perchnogion tir – mae hwn yn hanfodol cyn i chi fynd i ddringo. Gall perchnogion tir hefyd fod yn ymwybodol o wybodaeth leol fydd yn bwysig i chi a’r amgylchedd.

SICRHEWCH eich bod yn ymwybodol o’r ardal o’ch cwmpas ar bob adeg yn ystod eich cyfnod yn dringo.

GADEWCH yr ardal fel y cawsoch hi. Ewch â chymaint o sbwriel ategolion dringo ag sy’n bosibl adref gyda chi.

Os gwelwch unrhyw anifail neu aderyn gwyllt sydd, yn eich barn chi, wedi ei anafu neu mewn cyfyngder, cysylltwch â’r RSPCA ar 08705 555 999