MAENORBYR

Meistr Tir

Rheolir y maes parcio a’r blaendraeth gan Awdurdod Parc Cenedlaethol Arfordir Sir Benfro. Mae gweddill y tir mewn dwylo preifat.

Cyfleusterau

Maes parcio (codir tâl yn ystod yr haf)
Parcio am ddim yn y gulfan wrth ymyl y ffordd lle mae cyfleusterau parcio i’r anabl.
Teleffon Argyfwng yn y maes parcio ar y bloc toiledau
Toiledau Cyhoeddus
Teleffon Cyhoeddus yn y pentref
Cynhelir Diwrnodau Gweithgareddau Traeth yn ystod yr haf, dan ofal Staff y Parc Cenedlaethol a darperir amryfal weithgareddau ar gyfer teuluoedd. (Gweler Coast to Coast am fanylion).

Disgrifiad

Mae’r ardal yn gorwedd oddi mewn i’r Safle o Ddiddordeb Gwyddonol Arbennig sy’n ymestyn o Freshwater East hyd at Skrinkle Haven. Mae’r safle o ddiddordeb arbennig oherwydd y clogwyni Tywodfaen Coch sydd i’w gweld yma ynghyd â ffosilau planhigion, cynefinoedd clogwyni arfordirol a nifer o blanhigion ac anifeiliaid di-asgwrn-cefn prin. Mae’r SDGA yn cynnwys y twyni tywod, y llethr arfordirol a’r blaendraeth sy’n ymestyn tua’r mewndir.
Ar y clogwyni, gwelir safleoedd nythu’r Brain Coesgoch (Cough) a’r Hebog Tramor (Peregrine), tra bod Gwylan y Graig (Fulmar) a’r Gigfran (Raven) i’w gweld yma hefyd.
Y tu cefn i’r traeth, mae rhes o dwyni tywod gyda ffens o’u blaen. Defnyddiwyd hesg y môr (marram grass) a blannwyd gan Awdurdod y Parc Cenedlaethol i sefydlogi’r ardal hon. Os gwelwch yn dda, cadwch yn glir o’r ardal sydd wedi’i ffensio.
Mae’r Castell, sy’n dyddio o’r 12fed ganrif, mewn dwylo preifat ac mae ar agor i’r cyhoedd.
Uwchlaw’r Bae gwelir adfail hen felin ac mae enghraifft wych o golomendy ac odyn galch i’w gweld yn y cyffiniau.
Mae Maenorbyr yn boblogaidd fel lle brigdonni a chanwio. Cynhelir cystadlaethau a digwyddiadau yma a gall gordyrru ddigwydd yn yr ardal. Dylai’r rhai sy’n canwio a’r rhai sy’n defnyddio cychod fod yn ymwybodol o’r ffaith fod y dyfroedd arfordirol hyn ar brydiau yn cael eu cynnwys yn Ardal Perygl Môr maes tanio Maenorbyr, felly cysylltwch â Gwersyll Castell Martin er mwyn cadarnhau amserau tanio.
Mae’r safle yn boblogaidd fel man pysgota, oddi ar y traeth yn ogystal ag oddi ar y creigiau ar lan y môr.
Yn ystod rhai mathau o dywydd/dan rai amodau llanw, ceir isgerrynt garw yn y bae.

Manylion Pwysig

Dylai ymwelwyr fod yn ymwybodol o ymyl y graig a’r holltau sydd ynddi a’r peryglon sy’n gysylltiedig â hyn. Mae llwybr yr arfordir yn mynd yn agos iawn i ymyl y graig mewn rhai mannau, felly dylid cymryd mwy o ofal.
Mae’r traeth a’r blaendraeth yn sensitif; ni ddylid mynd â samplau oddi yno.
Gall pyllau glan môr fod yn fannau llithrig; dylech fod yn ofalus.
Dylid cadw golwg fanwl ar blant ar bob adeg.
Dylai ymwelwyr sy’n defnyddio parth y llanw ymgyfarwyddo â’i symudiadau ar y diwrnod hwnnw.
Dylid cadw cwn o dan reolaeth er mwyn osgoi aflonyddu ar bobl, bywyd gwyllt ac anifeiliaid.
Ni ddylid cynnau tân ac ni chaniateir gwersylla, ond ar safleoedd sydd wedi eu pennu.
Nid oes hawl seiclo ac eithrio ar ffyrdd a llwybrau ceffyl.
Cyngor Sir Penfro sy’n gyfrifol am lanhau’r traeth..
Mae maes tanio’r Weinyddiaeth Amddiffyn i’r dwyrain o’r safle; nid oes unrhyw fynediad cyhoeddus i’r tir, y clogwyni nac ychwaith i’r ochr sy’n wynebu’r môr, yn ystod cyfnodau tanio.
Rhaid cadw’r glwyd wrth fynedfa’r traeth yn glir ar bob adeg er mwyn caniatáu mynediad mewn argyfwng. Mae allwedd frys i’r glwyd ar gael gan arolygwr y maes parcio ac yng Ngwesty’r Castlemead.

Rhifau Cyswllt Defnyddiol

Yr Ymddiriedolaeth Genedlaethol – 01348 837860
Parc Cenedlaethol Arfordir Sir Benfro – 01437 764636
Gwylwyr y Glannau, Aberdaugleddau – 01646 690909
Cyngor Cefn Gwlad Cymru - 01437 766646
Gwersyll Castell Martin – Yn ystod Cyfnodau Tanio (Twr) - 01646 662336, Oriau Golau Ddydd (Swyddfa’r Maes Tanio) - 01646 662287, Wedi Oriau (Ystafell Warchod) - 01646 662280

TELEFFON ARGYFWNG YN Y MAES PARCIO