MARTIN’S HAVEN

Meistr Tir

Yr Ymddiriedolaeth Genedlaethol.

Cyfleusterau

• Maes Parcio (Codir tâl yn yr Haf) .
• Toiledau Cyhoeddus.
• Teleffon Argyfwng.
• Mannau Gwybodaeth Ymddiriedolaeth Bywyd Gwyllt Cymru a Chyngor Cefn Gwlad Cymru.

Disgrifiad

Mae rhan o’r safle yn gorwedd oddi mewn i Barc Ceirw (Deer Park) Marloes sy’n Safle o Ddiddordeb Gwyddonol Arbennig (SDGA) ac mae’r safle cyfan yn rhan o Warchodfa Natur Forol Sgomer (sy’n ymestyn hyd at linell y penllanw ac yn cynnwys yr ardal forol). Mae’n cynnwys nodweddion o ddiddordeb daearyddol a biolegol fel ei gilydd.
Ceir yma gen cerrig sy’n bwysig yn genedlaethol ac mae’r lle yn frith o dwmpathau morgrug sy’n drysorau botanegol.
Mae Brain Coesgoch yn bwydo ar y llystyfiant agored a defnyddir y blaendraeth gan forloi magu.
Defnyddir yr harbwr fel man cychwyn teithiau mewn cychod i ac o gwmpas Sgomer, gweler ‘Coast to Coast’ neu Ganolfannau Croeso i Dwristiaid am fanylion amserau hwylio.
Mae hwn hefyd yn safle lansio poblogaidd gyda grwpiau plymio,
Roedd y Parc Ceirw caerog yn rhan o Ystâd Sain Ffraid; mae’r wal ei hun yn rhan o’r SDGA. Mae’n rhedeg ochr yn ochr â’r arglawdd oes haearn sydd i’w weld ar ochr orllewinol y sianel a ffurfiwyd gan ddwr tawdd rhewlifol. Mae’r sianel wedyn yn ffurfio harbwr Martin’s Haven.
Mae’r Parc Ceirw hefyd yn Heneb restredig.

Manylion Pwysig

Yr Ymddiriedolaeth Genedlaethol yw perchennog y safle ac mae is-ddeddfau’r ymddiriedolaeth honno yn gymwys. Rhaid i ymwelwyr gydymffurfio â’r rhain ar bob adeg.
Dylid cadw cerbydau lansio cychod yn glir o’r ffordd sy’n arwain at yr harbwr. Dylid eu gadael yn y maes parcio ar ôl y lansio.
Mae anifeiliaid yn pori yn y Parc Ceirw; dylid cadw cwn dan reolaeth ar bob adeg.
Ni ddylid cynnau tân ac ni chaniateir gwersylla, ond ar safleoedd penodol.
Nid oes hawl seiclo ac eithrio ar ffyrdd a llwybrau ceffyl.
Dylai ymwelwyr fod yn ymwybodol y gall llwybr yr arfordir ymylu ar ochr y clogwyn a bod angen gofal.
Dylai pawb sy’n defnyddio parth y llanw fod yn ymwybodol o’i symudiadau ar y diwrnod hwnnw a dylent wybod fod cerrynt peryglus yn gallu digwydd o dan rai amodau llanw a hinsawdd arbennig. Mae hyn yn berthnasol iawn o gwmpas yr ynysoedd.
Dylai’r rhai sy’n defnyddio Gwarchodfa Natur Forol Sgomer ddilyn y cod ymddygiad sy’n cael ei ddarparu gan Gyngor Cefn Gwlad Cymru yn ei ‘ganllawiau i ddefnyddwyr’ y warchodfa.

Rhifau Cyswllt Defnyddiol

• Yr Ymddiriedolaeth Genedlaethol – 01348 837860
• Parc Cenedlaethol Arfordir Sir Benfro – 01437 764636
• Gwylwyr y Glannau, Aberdaugleddau – 01646 690909
• Cyngor Cefn Gwlad Cymru - 01437 766646
• Ymddiriedolaeth Bywyd Gwyllt Gorllewin Cymru - 01239 621212
• Archaeoleg Cambria - 01558 823121

TELEFFON ARGYFWNG WRTH YMYL Y BLOC TOILEDAU