SOLFACH

Meistr Tir

Rheolir y maes parcio a’r safle picnic gan Yr Ymddiriedolaeth Genedlaethol, Parc Cenedlaethol Arfordir Sir Benfro. Mae’r blaendraeth, yr angorfeydd a’r cei yn cael eu rheoli gan Gymdeithas Perchnogion Cychod Solfach.

Cyfleusterau

Maes Parcio.
Toiledau Cyhoeddus.
Teleffon Cyhoeddus.
Maes Picnic.
Llithrfeydd.
Angorfeydd.
Tafarnau, siopau, caffis ac ati yn y pentref.

Disgrifiad

Mae Solfach yn gorwedd oddi mewn i Safle o Ddiddordeb Gwyddonol Arbennig Arfordir Penrhyn Tyddewi, a ddynodwyd oherwydd ei fod o ddiddordeb daearyddol a biolegol. Mae Harbwr Solfach yn bwysig iawn oherwydd y deunydd daearegol sydd yma; mae’n enghraifft dda o foryd (ria), sef sianel dwr tawdd o’r oes rewlifol a foddwyd wedi hynny.
Mae’r creigiau yn yr ardal hefyd yn gartref i enghreifftiau gwych o ffosiliau o’r Oes Gambriaidd.
Mae hanes Solfach hefyd yn bwysig; cychwynnodd fel porthladd bychan yn yr 1300au ac erbyn yr 1800au roedd wedi datblygu’n ganolfan fasnach bwysig yn ardal Bae Sain Ffraid.
Yn ystod yr Oes Fictoraidd, pan oedd 10 odyn yn gweithio, Solfach oedd prif ganolfan losgi calch Penrhyn Tyddewi. Mae rhai o’r odynnau hyn i’w gweld heddiw ar Ochr Ddwyreiniol yr Harbwr.
Ceir hefyd olion hen gaer ac anheddiad Oes yr Haearn ar yr esgair sy’n cael ei hadnabod fel ‘Y Gribyn’ ar Ochr Ddwyreiniol yr harbwr.
Defnyddir yr harbwr heddiw gan gychod pleser yn bennaf.

Gweithgareddau

Plymio. Bu Solfach yn safle lansio poblogaidd ers amser hir. Rheolir y llithrfeydd gan Gymdeithas Perchnogion Cychod Solfach a chodir tâl. Mae’r harbwr yn sychu’n gyfan gwbl ar lanw isel ac oherwydd hyn mae’n amhosibl dychwelyd cychod plymio mawr i’r lan. Peidiwch â pharcio ar Gei'r Drindod. Am gyngor neu wybodaeth bellach, cysylltwch â’r harbwr feistr, os gwelwch yn dda.

Caiacio. Pan fydd y llanw ar ei uchaf, mae harbwr Solfach yn cynnig lle diogel a chysgodol i ddechreuwyr badlo caiac, tra bod cyfleoedd mordeithio rhyfeddol i’w cael ar gyfer caiacwyr mwy profiadol yn yr ardal y tu hwnt i’r creigiau dramatig. Bydd tâl yn daladwy i Gymdeithas Perchnogion Cychod Solfach os byddwch yn lansio o Gei'r Drindod neu Gei’r Tywod (Sand Quay) Mae llynges fechan o gychod dingi yn gweithredu o Solfach ac mae’r harbwr, o arfer gofal, yn addas i’w ddefnyddio gan ymwelwyr. Fodd bynnag, dylech ofyn cyngor trigolion lleol ar gyflwr tebygol y môr cyn mentro y tu allan i’r harbwr.

Manylion Pwysig

Mae is-ddeddfau’r Ymddiriedolaeth Genedlaethol a’r Parc Cenedlaethol yn gymwys i’r safle. Mae is-ddeddfau Cyngor Sir Penfro yn briodol ar y môr, gan gynnwys cyfyngiad cyflymder o 8 not.
Ni ddylai’r rhai sy’n astudio daeareg y safle ddefnyddio morthwylion ac ni ddylid symud samplau.
Dylai grwpiau sy’n dymuno defnyddio’r ardal fel safle ar gyfer astudiaethau maes gysylltu’n gyntaf â’r Ymddiriedolaeth Genedlaethol.
Dylai pawb sy’n defnyddio parth y llanw ymgyfarwyddo â’i symudiadau ar y diwrnod hwnnw.
Dylid cadw cwn o dan reolaeth ar bob adeg er mwyn osgoi aflonyddu ar bobl, bywyd gwyllt ac anifeiliaid.
Nid oes hawl seiclo ac eithrio ar ffyrdd a llwybrau ceffyl.
Dylid cadw’r llithrfeydd yn glir ar bob adeg.
Gellir defnyddio’r llithrfa yn y maes parcio i lansio cychod yn ystod cyfnodau penllanw yn unig.
Mae manylion llanw addas ar gyfer lansio cychod oddi ar lithrfeydd eraill ar gael oddi wrth Gymdeithas y Perchnogion Cychod.
Ceir lle parcio ar gyfer nifer cyfyngedig o geir yn safle clwb a llithrfa’r perchnogion cychod.

Rhifau Cyswllt Defnyddiol

Yr Ymddiriedolaeth Genedlaethol – 01348 837860
Parc Cenedlaethol Arfordir Sir Benfro – 01437 764636
Gwylwyr y Glannau, Aberdaugleddau – 01646 690909
Cyngor Cefn Gwlad Cymru - 01437 766646
Cyngor Cefn Gwlad Cymru - 01437 766646
Archaeoleg Cambria - 01558 823121
Cymdeithas Perchnogion Cychod Solfach - 01437 721220
Harbwr Feistr Solfach - 01437 721703

TELEFFON CYHOEDDUS WEDI’I LEOLI YN Y MAES PARCIO